أحمد موسى في مقدمة تاريخية ورد ناري على ترامب: ايه يعنى المعونة الأمريكية .. مش هنسيب ولا متر من أرضنا

ردود نارية كطلقات الرصاص، قالها الإعلامي أحمد موسى ردا على خطابات أمريكية وصهيونية، حول القضية الفلسطينية، ومساعي أمريكية للسيطرة على غزة، وانتهاك القوانين الدولية، ورغم توتر الأوضاع إلا أن مصر ثابتة منذ قديم الأزل ولا تزال ثابتة ومساندة لشعب غزة والقضية الفلسطينية.

أحمد موسى في مقدمة تاريخية

وقال الإعلامي أحمد موسى، إن الدولة المصرية أقوى بكثير مما كانت فيه في عام 2008، معلقا: ‘البلد الكبيرة دي الثوابت بتاعتها لن تتغير مهما حدث’.

وتمنى الإعلامي أحمد موسى، خلال تقديم برنامج على مسئوليتي المذاع على مجلة مصر، ألا يذهب الرئيس السيسي إلى أمريكا بعد تصريحات ترامب، موضحا أن الدكتور بدر عبدالعاطي وزير الخارجية أعلن رسميا عن موقف مصر الثابت تجاه القضية الفلسطينية أمام الحكومة الأمريكية.

وأردف: ما يحدث هو انتهاك للحقوق والقوانين .. ترامب ينظر إلى العالم من الأعلى .. إسرائيل لن تكون في استقرار .. لن يكون هناك أمان لإسرائيل إلا بوجود دولة فلسطينية’.

انفعل الإعلامي أحمد موسى، ردا على تصريحات الرئيس الأمريكي ترامب، حول تهجير الفلسطينيين والسيطرة على غزة، كاشفا أنه في عام 2008 حاولت الولايات المتحدة الأمريكية السيطرة على غزة، ولكن مصر رفضت ذلك الأمر رفضا تاما، والآن يتكرر السيناريو.

وتابع الإعلامي أحمج موسى، أن مصر لن تتنازل عن شبر واحد من أراضيها، معلقا: بأي حق أمريكا تأخذ غزة .. لدينا رؤية لغزة .. العالم العربي كله يجب أن يكونوا على قلب رجل واحد .. إسرائيل تحاول التوسع .. لازم العين الحمرا تبقى واقفة .. في أيه بعد أرضك تخاف عليه ؟!’.

وأوضح الإعلامي أحمد موسى، أن المخطط الإسرائيلي، تعمل أمريكا عليه منذ سنوات، ومصر دوما ترفض كل مخططات إسرائيل للسيطرة على غزة، مضيفا: لا الرئيس ولا الجيش ولا الشعب هيسمح بأي بتقسيم للأراضي المصرية والعربية .. إحنا كلنا مسئولين عن الدفاع عن الأراضي’.

وتابع: ترامب هيقسم في بلدنا وأحنا عايشين كلنا ازاي.. في حقوق وفي تضحيات .. مازلنا بنضحي ومازلنا بنحافظ .. الدولة موقفها ثابت حول القضية القلسطينية ولن يتغير أبدا .. وأنا متأكد لن يتزحزح لحظة .. مش هنسيب أراضينا’.

وتابع أنه بأي قانون تهجير الفلسطينيين، لأن مصر لن تسمح بغرض أي سيادة على الشعب الفلسطيني، معلقا: بتكلم بمنتهى القوة .. دورنا من أول القائد الأعلى للقوات المسلحة لأصغر واحد فينا مش هنسمح بولا شبر يتاخد’.
كما أشار إلى أن المخطط الأمريكي والإسرائيلي، هو ضرب الصين وضرب مصر، معلقا: لن نسمح بإقامة دولة صهوينية على أراضي مصرية أو عربية.. موجودون بفضل الله .. الموضوع كبير.

انفعل الإعلامي أحمد موسى، ردا على تصريحات الرئيس الأمريكي ترامب، حول تهجير الفلسطينيين والسيطرة على غزة، كاشفًا أنه يُريد جعل غزة قاعدة أمريكية كُبرى في الشرق الأوسط.

وقال إن المساعدات العسكرية الأمريكية ليست ضمن اتفاقية السلام، إحنا فيه شراكة استراتيجية بين البلدين ولا أمريكا هتستغنى عن مصر ولا مصر هتستغنى عن أمريكا، باختلاف الرؤساء’.

وأضاف: ‘إحنا متعودين على الضغوط الأمريكية، والإبتزاز، لكن مش قابلينهم، والمساعدات اللي بيعطوها إلينا غيروا أسمها وبعدين مبقتش تيجي، إحنا في سنة 7 مليار دولار خسارة قناة السويس ولا تراجعنا خطوة’.

وتابع: ‘إحنا دولة كبيرة وشعب عظيم، لـ أمريكا أولوية في عبور قناة السويس، إحنا نتعاون مع بعض من غير ضغوط، ليه تعمل مدة وتتغط علينا إحنا مش هنسيب أرضنا، ولا الرئيس ولا الشعب ولا الجيش يقدر يسيب 1 سنتيمتر، شهدائنا يقولوا ايه، مهما عمل ترامب مش هنسيب 1 سنتيمتر’.

وأوضح: ‘مصر مش بتخاف غير من ربنا، ورئيس مصر مش بيخاف غير من ربنا، واللي أعرفه ومتأكد منه أن مفيش واحد هيسمح بكدة مهما حصل، كفاية إحنا عندنا ضغوط عظيمة، خلينا نحافظ على السلام كفاية ضغوط على شعبنا وجيشنا’.

وواصل: ‘دي بلد لازم الكل يحترمها، اللي يتكلم عنها لازم يتكلم عنها بتقدير واحترام، مش رضى أمريكا هيودينا الجنة، حصل ايه قبل كدة وهتفضل مصر قوية وعظيمة’.

واستكمل: ‘لن تتراجع عن الثوابت التاريخية، شوفتوا بيان الخارجية إمبارح بيتكلم عن القدس الشريف اللي بيتكلم عن عاصمة الدولة الفلسطينية، ولسة نتنياهو مجرم الحرب لسه بيقول إحنا مستعدين لكل السيناريوهات’.

وأضاف: ‘وبالمناسبة مفيش سلام، هما مش عايزين سلام، خد غزة عشان يدورها ويحولها لقاعدة عسكرية وهما كده عايزين سلام، من سنة قولت الكلام ده بيتعمل النهارده، مكنوش رايحين يستكشفوا الأجواء، غزة هتتحول لأكبر قاعدة عسكرية أمريكية في الشرق الأوسط’.

واختتم: ‘هذا هو المخطط الأمريكي، وكلنا على قلب رجل واحد، كبير وصغير وأخطر تحديات موجودة جاية، مش هنخلي المخطط ده يمشي وعلى جثثنا كلنا، ومصر تدينا حصة ده كلام، وده مش كلام سياسة ده كلام لن نسمح بيه على الإطلاق، ولن نقبل من ترامب ولا غيره يتكلم عننا كده، إحنا كنا فاكرين الراجل هيعمل سلام زي الفترة الأولية، لكن ظهر الوجه الحقيقي، يا عالم يا عرب خلوا بالكم الجميع إيد واحدة ولا يخاف أبدًا قوتنا أننا نكون مع بعض، مفيش حاجة أسمها العالم العربي هيقدم تنازلات إحنا أكبر دولة مش هنقدم تنازلات’.