22 سنة بياع سوبيا.. عم سيد يروي قصة كفاحه على «عربية المشروبات»

في قلب القاهرة، بين أزقة السيدة زينب، يقف عم سيد، العجوز الذي بلغ من الكبر عتيا، كل يوم خلف عربته الخشبية، يجهّز مشروباته الرمضانية المكونة من «تمر هندي، خروب، عرق سوس، وسوبيا»، فمنذ أكثر من 22 عامًا، يروي ظمأ الصائمين بكوبٍ من مشروباته الباردة في شهر رمضان المبارك.

الإعلامي هاني النحاس، تحدث مع «عم سيد» القادم من سوهاج، خلال برنامج «ساعة الفطار» المذاع على مجلة مصر، ليروي تفاصيل حياته الشاقة، قائلا: كل يوم في رمضان، أصحى من الفجر، أجهّز الحاجة، أطلع أجيب العربية وأروح مكاني، أوصل حوالي الساعة 12 الظهر، أفرش وأستعد للرزق اللي جاي من عند ربنا.

وتابع قائلا: الناس تيجي تشتري، واللي معاه ياخد، واللي معهوش ربنا بيرزقه برضه. يعني لو حد جالي وقال لي معايا خمسة بس، أقوله: ‘كله على الله، خد’، وفي ناس بتيجي توزع على الصايمين، واحد يقول لي: ‘وزع لي 60 كيس’، ويدفع الحساب وهو واقف في الضلّ، يطمن إن الكل وصل له الخير.

واختتم عم سيد: الشغل مش سهل، بس الحمد لله، طول ما الواحد عنده صحة، وعنده رضا، كل حاجة تهون، رمضان له بركته، والرزق فيه حلو، مش بس في الفلوس، لكن في راحة القلب كمان. وربنا يسترها معانا كلنا، على الله.