زيزو يخرج عن صمته بتصريحات قوية بشأن أزمة تجديد عقده مع الزمالك

خرج أحمد السيد زيزو لاعب فريق الكرة الأول بنادي الزمالك، بتصريحات نارية على خلفية أزمة فشل تجديد عقده مع الفارس الأبيض، حتى الآن الذي ينتهي بنهاية الموسم الحالي

وفي تصريحات إذاعية، أفصح زيزو، قائلا :” أنا في غاية الإحباط اللي حصل الشهور اللي فاتت مستغرب يحصل معايا كدة، أبويا تعرض لتجازوات كبيرة بدافع من الإدارة وراجل محترم مش أقل من حد فيهم وجدد معاهم قبل كدة ومأخدش فلوس، وهو وكيل وده حقه.”.

وواصل:”  أنا بتمرن كل يوم مع الزمالك وهسيب الموضوع لحد ما يخلص منهم، والدي لم يتحدث مع أى نادي حتى مارس الماضي، رغم أحقية ذلك من يناير، ورغم تواجد العروض وكثرتها لم أفكر في الحديث مع أى نادي.”.

وتابع:” أقعد في جلسة، ألاقي تفاصيل الجلسة متسربة وبالشتائم.. انا اللاعب الوحيد اللي اتشتم 4 مرات متتاليية.. مرتضى منصور بعت جاب والدي بعربية من المنيا واحترمنا وقررت التجديد”.

وأضاف:”الجمهور شتمنى في المدرجات خلال مبارة بتروجيت.. لست أعلى لاعب قيمة مالية في مصر، حتى هشام نصر طلع قال اني طلبت 60 مليون وقتها لم نكن تحدثنا عن أرقام مالية مطلقا، إدارة الزمالك جعلت الجميع يعدي عليه النفس، وأن النادي حصل على قرض 200 مليون جنية من أجل حصولي على 150 مليون”.

وأردف :” إنه تعرض للهجوم من جانب جمهور الزمالك في احد المباريات الافريقية، وحسين لبيب بلغني واحنا راجعين بأن المقدم المطلوب صعب يتصرفوا فيه، عمرو الجنايني اللي بحترمه بيقول للوسيط ان لو مجددتش خلال اسبوع هنزل بيان، انت افتكروتني لما سجلت جونين مع المنتخب وجول سيراميكا”.

وأكد:”انا كنت بغشش حسين لبيب ازاي يتعامل مع والدي، وقولت لـ شيكابالا في قعدة، اتصرف مع الإدارة وخليهم يجددوا لي، عرض الزمالك هو الأقل ماليا، وفي عروض محلية أعلى من العرض الزمالكاوي”.