شوبير يهاجم نائب رئيس الزمالك: الدولة لن تتدعمك بمليارات من أجل شراء لاعبين
شن الإعلامي أحمد شوبير، حارس مرمى الأهلي ومنتخب مصر السابق، هجومًا حادًا على هشام نصر، نائب رئيس نادي الزمالك، بعد تصريحاته الأخيرة التي طالب خلالها الدولة بدعم الأندية الجماهيرية، وانتقاداته للأهلي.
وقال شوبير في تصريحات إذاعية اليوم الأحد: “من الحاجات اللي بتجنني لما تلاقي حد ناجح تروح تقول له: أنت ناجح ليه؟ بتجيب فلوس إزاي؟ بتجيب بطولات إزاي؟ طيب يعني حضرتك عايزني أخسر؟ عايزني أفشل؟ أنا بجيب بطولات، فبجيب فلوس، فبجيب إيرادات”.
وأضاف شوبير: “يرد عليك ويقول لك: إزاي بتجيب فلوس؟ لأ، من غير ما تسأله، أنت بتشتغل، بتعرف تجيب دخل، تجيب بطولات، خلاص، لو مش هتشتغل، روح قل يا دولة أديني فلوس. الدولة مش هتديك فلوس، الدولة عندها أولويات تانية، ومش هتدفعلك فلوس عشان تجيب لاعب. الدولة ممكن تديلك أرض بإمتيازات معينة تبني فرع، تجيب عضويات، لكن مش هتديك فلوس عشان تجيب لاعب”.
وتابع شوبير هجومه قائلاً: “بدل ما أقول له: أنت عامل حاجة كويسة، وبرافو، نقدر نحاسبك، طيب أنت إدارتك مش كويسة. والله حاجات غريبة جدًا. وأتمنى كل واحد يبص لنفسه ويشوف أخطاءه ويصلحها”.
وفيما يتعلق بمناشدة هشام نصر للرئيس المصري لدعم الأندية الجماهيرية، قال شوبير: “يقول لك: ‘مناداة للسيد الرئيس لدعم الأندية الجماهيرية، ولا يجوز أن يكون نادٍ واحد نتائجه أفضل من المنتخب الوطني’. يا نهار أبيض! طب أخسر، يا نادي، يا اللي بتكسب عشان تبقى زي من لا يستطيع الفوز؟ لازم تبقى غير ناجح، وتروح للدولة وتقول: يا سيادة الرئيس أدعمنا بالمليارات؟ الدولة ساعدتك بالأرض، ما ينفعش تدعمه كمان بالأموال”.
واختتم شوبير تصريحاته قائلاً: “القصة بقت تجنن، وبقت عجيبة جدًا. أنا في حالة ذهول. بعدين اللي يتكلم، يتكلم بورقة وقلم ويقدم، مش بالشكل ده. صعب جدًا جدًا. تيجي تكلم الناس، يقول لك: مش أنت كنت مش عارف إيه؟ يا عمي، عندك تجربة ناجحة، اشتغل عليها. ما لازم نغير الفكر، وطول ما أنت عمال تقول أي كلام، مش هينفع. أنت بتخسر بطولات، شوف إيه الأسباب. الأهلي كان بيخسر في الصالات، شاف الأسباب وعمل إصلاحات ونجح. زي ما قالوا زمان: ذاكر تنجح، مش هتذاكر مش هتنجح”.
