“زيزو يكشف عن خلاف ساخن مع الزمالك! ما السر وراءه؟”
فجّر أحمد سيد زيزو، نجم نادي الزمالك السابق والأهلي الحالي، مفاجآت مدوية في تصريحات إعلامية، كشف خلالها كواليس أزمته الأخيرة داخل القلعة البيضاء، مؤكدًا أن خلافه مع إدارة النادي لم يكن ماديًا كما تم الترويج له، بل يتعلق بالكرامة وردّ الاعتبار.
وقال زيزو: “الناس الجديدة اللي كانت جاية تمسك الكورة في الزمالك كانوا فاكرين الموضوع فلوس. قلتلهم والله العظيم ما هو موضوع مادي، أنا عايز حقي وحق والدي في اللي حصلنا خلال الفترة الأخيرة”، مضيفًا: “ناس كتير قالت علينا حاجات مش حقيقية، وعايزهم يعتذروا ويقولوا كنا بنكذب، لأنك بقالك سنة بتهيني ومش عايز تنزل اعتذار، عايز شكلك يفضل حلو وشكلي أنا يكون وحش”.
وأكد نجم الزمالك أن معظم لاعبي الفريق كانوا على دراية بما يمر به من ضغوط، وأن استقبالهم له بعد عودته للمران كان إيجابيًا ومريحًا بالنسبة له، في إشارة إلى دعم زملائه له خلال أزمته باستثناء عدد قليل من اللاعبين، مشددا :” لما رجعت اتمرن في الزمالك ، اللاعيبة كانت بتكلمني عادي أنا واحشهم وهما واحشني ، بس استغربت شوية لعيبة عمرهم ما شافوا مني حاجة وحشة ودايمًا بكبرهم قدام الناس ، ومفروض هما كانوا عارفين اللي بيحصل فيا ، فايه اللي حصل جديد غيرك لما انا رجعت”.
وعن موقف والده، قال زيزو: “مش متأكد إذا كان والدي قال إنه مش هيتفاوض طول ما ممدوح عباس موجود، بس لو قال كده، ده من حقه”.
واختتم زيزو تصريحاته بالكشف عن تلقيه عدة عروض احترافية من أندية في الإمارات والسعودية، بالإضافة إلى عرض من النادي الأهلي، دون أن يكشف عن تفاصيل هذه العروض أو موقفه منها.
