زيدان يطلق تصريحًا صادمًا: “انتبهوا لتصرفاتكم قبل فوات الأوان!”
وجّه أحمد سيد “زيزو”، نجم نادي الزمالك، رسالة قوية عبر حسابه الرسمي على موقع التواصل الاجتماعي “إنستجرام”، أعرب فيها عن استيائه الشديد من تصاعد موجات التنمر والشتائم والتجاوزات الشخصية التي يتعرض لها البعض، متسائلًا عن الجدوى الأخلاقية والإنسانية من هذا السلوك.
وكتب زيزو في منشوره:” السؤال الوحيد اللي مش عايز يطلع من دماغي ونفسي ألاقي له إجابة! هو بجد لما حد يخوض في عرض الناس ويشتم ويسب ويتنمر، ده بيعود عليه بإيه؟”.
وأضاف:” هل بيرجع يلاقي بيته اتغير؟ هل بيلاقي العربية اللي نفسه يركبها؟ هل أولاده وصلوا للمكانة اللي بيحلم بيها؟ هل أبوه وأمه عايشين في اللي يستحقوه؟ مش قادر أستوعب بجد”.
وتابع نجم الزمالك تساؤلاته قائلًا:” يعني الشخص اللي بتتنمر عليه ده، هل بقى أقل منك؟ مش شغال نفس الشغلانة؟ مش عايش في بيت زيك؟ مش بيحاول يجيب عربية زيك؟ حياتكم اتغيرت بعد ما شتمتوه؟ الإجابة: لا”.
وشدد زيزو على أن مثل هذه الأفعال لا تُثمر إلا عن الذنوب، دون أي فائدة ملموسة، قائلًا:” كل اللي بتعمله إنك بتزود من ذنوبك، ويمكن ربنا ما يوفقكش إنك تمسحها، وفوق كده مفيش حاجة بتتغير على أرض الواقع”.
واختتم رسالته بكلمات مؤثرة:” فكر كويس، مفيش حاجة مستاهلة، ورزقك مكتوب، لكن أنت اللي بتختار الطريق اللي بيوصلك ليه. خليك دايمًا على الطريق الصح وافتكر إنها مش دايمة لحد. صباحكم جميل”.
