“الرئيس السيسي يحث الشركات على الاستثمار في قطاع الزراعة! اكتشف التفاصيل الآن”
أكد الرئيس عبد الفتاح السيسي، أن عملية تحويل الأراضي الصحراوية لزراعية تواجه تحديات كبيرة، خاصة فيما يتعلق بتوصيل الطاقة الكهربائية.
وقال خلال فعاليات موسم حصاد القمح 2025، إن دخل الفدان في السنة 50 ألف جنيه، أي ما يعادل 30 مليار جنيه، موضحًا أن الموسم الزراعي الذي يضيع علينا، يضيع معه عام كامل، وبدون التمويل الكافي لن يتم تنفيذ أي مشروع.
وأضاف أن الـ600 ألف فدان سيعمل فيها 600 ألف شخص، وإذا كان كل فرد يعول أسرة، فهذا يعني 600 ألف أسرة سيدخلهم دخل لا يقل عن 7000 جنيه شهريًا.
وقال: “أنا بقول الكلام ده علشان وزير الري والكهرباء والزراعة يضعون أيديهم بقوة”.
ووجه رسالة للمستثمرين المتواجدين: “الأرض متاحة ليكم، وقطعنا شوطًا كبيرًا لإتاحة الأرض للزراعة، مش محتاج توصلها أي حاجة، كل اللي مطلوب من المستثمر إنه يطلع إنتاج، موضحًا أن القطاع سيكون متواجدًا على الأرض على قدر المتاح، “إحنا بنتكلم على أرقام كبيرة جدًا.”
وأوضح أن العمل لا يسير إلا بالكهرباء، ولابد من توصيل الكهرباء، ولتحقيق ذلك يجب أن تكون هناك استثمارات.
وقال: “عشان أدخل الطاقة لـ2.2 مليون فدان عشان يدخلوا الشبكة كجزء من البنية الأساسية غير الطاقة المتولدة، نحتاج عشرات المليارات، أنا بقول للناس عشان أدخل 100 ألف فدان للزراعة، الحقيقة قدامنا تحديات، وإلا كان اللي قبلنا عملوا ده بسهولة. إحنا بنتكلم عن بنية تحتية يعني 300 ألف جنيه للفدان، وده على فرضية إن عندنا محطات”.
وتابع: “وهذه قيمة تحويل الأراضي الصحراوية إلى أراضٍ زراعية، يعني المليون فدان محتاجين 300 مليار، وده عشان يطلع. الحكومة والدولة بتبذل جهد كبير جدًا، ويمكن الزملاء من القطاع الخاص يقولوا لنا: أتيح لنا الأرض دي وإحنا نعملها”.
وذكر أن القطاع الخاص لو دخل سيُنجز 10 آلاف فدان، “إحنا قولنا هنعمل عمل مؤسسي للدولة، الدولة تنظم، ثم تأخذه إذا كان حق انتفاع، إيجار، أو شراء، والتوقيت ده كل ما ندخل الأراضي الزراعية اللي بنعلن عنها بتكلفنا كتير علشان تخرج وتشتغل ولما ننجح نقول عايزين الـ500 ألف فدان بتوع سيناء يدخلوا في الخدمة، يبقى محافظ سيناء، والكهرباء، والري، والزراعة، كلهم قاعدين ليل ونهار، لأن لما ندخلهم السنة دي غير السنة اللي جاية”.
وتابع: “يبقى أتحنا عيشة لـ500 ألف أسرة، والسكة الحديد والطرق يبقى ليها قيمة سواء لأهل سيناء أو للناس في الدلتا. وأنا عارف لغاية دلوقتي إن فيه بيتعمل على الأرض، وهيخلص في شهر 6”.
