الرئيس السيسي لوالدة شهيد: أنا ماجبتش حق حد.. أنتم اللي جبتم
قرر الرئيس عبد الفتاح السيسي شكر والدة النقيب عمر القاضي، بعدما قدمت له هدية خلال الاحتفال بمناسبة العيد الـ73 للشرطة.
وأضاف متوجهًا بحديثه إلى والدة الشهيد: «أنا مجابتش حق حد إنتم اللي جبتم، أنا محافظتش إنتم اللي حافظتوا، وقبلنا كلنا رب العباد».
وأكمل: «كل نقطة دم حافظت وكل روح راحت لربنا حافظت، وكل إنسان قدم نفسه هو اللي حافظ، إحنا مش هننسى أبدًا ومش لازم ننسى كل بيت قدم شهيد أو مصاب، نشكره ونقدم كل الدعم ليه، وقبل ده كله مصر مش هتنساه».
وواصل: «طول ما مصر عايشة في الأمان والسلام ده عبارة عن عرفان يتقدم لكل أسرة شهيد، لأن الثمن اللي أتقدم عشان مصر تكون بأمان وسلام غالي أوي».
ووصل الرئيس عبد الفتاح السيسي إلى مقر أكاديمية الشرطة بالقاهرة الجديدة للاحتفال بالذكرى الـ73 لعيد الشرطة.
وكان في استقبال الرئيس السيسي لدى وصوله إلى مقر الأكاديمية اللواء محمود توفيق، وزير الداخلية.
وفور وصوله، تم استعراض حرس الشرف، وعزف السلام الوطني، ثم وضع الرئيس السيسي إكليلا من الزهور على النصب التذكاري لشهداء الشرطة، قبل أن يتم عزف سلام الشهيد.
