مصطفى بكرى يدعو وزير التعليم لإنشاء مدارس يابانية في الصعيد تحقق إنجازًا يستحق الاحترام

أشاد النائب مصطفى بكري بالسياسة التعليمية في مصر، قائلا إن قضية التعليم في مصر دائما مثيرة للجدل، وما يحدث الآن إصلاحا تاريخيا ما حصلش من سنين، رغم الهجوم الذي يواجهه الإصلاح من أصحاب المصالح، مثل أصحاب السناتر والدروس الخصوصية والكتب الخارجية.

السياسة التعليمية في مصر

وأضاف بكري في تصريحات له ببرنامج «حقائق وأسرار» المذاع على قناة «مجلة مصر» ، أن الوزير محمد عبد اللطيف حل أزمة الكثافة الطلابية في 60 ألف مدرسة، وأصبحت الكثافة أقل من 50 طالب في الفصل، علاوة على التعامل مع أزمة عجز المعلمين، ما يعد إنجازا كبيرا نحييه عليه.

وتابع: الوزير بنفسه نزل في 4 شهور زار 400 مدرسة مفاجأة، يشوف بعينه إيه اللي بيحصل، وده مهم عشان نطوّر العملية التعليمية، ونحل مشاكلها على أرض الواقع، ومن الإنجازات كمان إنه تم ضم الحجرات الإدارية في المدارس وتحويلها لفصول، واتعمل نظام الورديتين في بعض المدارس، يعني الصبح تبقى إعدادي وبالليل تبقى ثانوي، وده ساعد كتير في مواجهة الكثافة.

إنشاء مدارس يابانية

وشدد بكري على أن الصعيد مظلوم في ملف التعليم، قائلا: يا معالي الوزير، الصعيد محتاج مدارس يابانية، محتاج تطوير حقيقي، ومحتاج وجود للمدارس القومية والدولية، خصوصًا في المحافظات اللي محرومة من ده، مختتما: الدولة ماشية في الطريق الصح، لكن الحرب لسه شغالة، وعارفين إن المعركة كبيرة، والمعارضة جاية من أصحاب المصالح، لكن التعليم مابقاش رفاهية، ده بقى أولوية وطنية.