أحمد ناجي تصريحات عصام الحضري حول لقب الأسطورة مستفزة
رد أحمد ناجي، مدرب حراس مرمى منتخب مصر السابق، على تصريحات عصام الحضري، حارس مرمى الأهلي ومنتخب مصر السابق، بأنه لا يوجد أساطير في الكرة المصرية سوى هو ومحمد صلاح لاعب فريق ليفربول الإنجليزي.
وقال أحمد ناجي، في تصريحات إذاعية: إن عصام الحضري، لو كان استمر مع الأهلي كان هيبقى أسطورة فعلًا، الحضري، أسطورة مش عايزة كلام، لكن هو مينفعش يقول على نفسه أسطورة.
وتابع أحمد ناجي، أن عصام الحضري، مفروض هو يخلي الناس هي اللي تقول عليه أسطورة مش هو اللي يقول على نفسه، أنا علاقتي بعصام الحضري، تاريخية لكن مكنتش أحب يقول على نفسه أسطورة.
وواصل أحمد ناجي، أن محمد صلاح عمره ما تحدث أو صرح بأنه أفضل لاعب في مصر عكس تصريحات التى أدلي بها عصام الحضري قائلاً «عمرك شوفت محمد صلاح بيقول علي نفسه أسطورة أو بيليه أو مارادونا، هل شوفت دول بيقول علي نفسهم أساطير،وكمان وطالع يقول هو الهرم الرابع طيب حط الحضري وحط صلاح وسيب الناس تختار مين الهرم الرابع».
وأوضح أحمد ناجي : أن الناس كلها بتختار صلاح، يعني الحضري شايف نفسك هرم رابع علي الكابتن الخطيب وحسن شحاته وطاهر الشيخ وأبو تريكة وكل دول، كلام مستفز جدا بيطلع من الحضري وبيكون مستفز للناس إنها تسمعه.
وأتم أحمد ناجي : أن محبة الناس دي بكنوز الدنيا كلها، الحضري بيقول علي نفسه أسطورة وأنا شايف غير كده، يعني المفروض الناس اللي تقول عليه أسطورة مش هو اللي بيقول علي نفسه أسطورة.
