الرئيس السيسي: محدش هيقدر يقرب للبلد دي

طلب الرئيس عبدالفتاح السيسي من المواطنين فهم الأحداث الجارية وحماية الدولة من التهديدات الداخلية والخارجية.

وأضاف في كلمته ضمن فعاليات الاحتفال بالذكرى الـ73 لعيد الشرطة، اليوم الأربعاء: «عملية التحديات والعدائيات مش هتنتهي، دي طبيعة الدنيا اللي إحنا عايشين فيها، مفيش حاجة اسمها ناس مسالمة، في حاجة اسمها مصالح ومؤامرات، وكل ده موجود وقائم وهيستمر لأن الدنيا اختبارات وابتلاءات لأصحابها».

ونوه أن المشكلات والمصاعب لا تنتهي لكن المطلوب هو التغلب على التحديات والارتقاء بالبلاد، مضيفًا: «ساعات الأمور بتبقى زيادة أوي في الشائعات والكذب، ولما ده يزيد أوي لازم تعرفوا إن الاستعداد زايد».

واستطرد: «البعض يعتقد إن الأمر أصبح يسير وإن ممكن حد يقرب للبلد دي، لكن بفضل الله – سبحانه وتعالى – وبعزه وقوته محدش هيقدر».

ووصل الرئيس عبد الفتاح السيسي، صباح الأربعاء، إلى مقر أكاديمية الشرطة بالقاهرة الجديدة للاحتفال بالذكرى الـ73 لعيد الشرطة.

وكان في استقبال الرئيس السيسي لدى وصوله إلى مقر الأكاديمية اللواء محمود توفيق، وزير الداخلية.

وفور وصوله، تم استعراض حرس الشرف، وعزف السلام الوطني، ثم وضع الرئيس السيسي إكليلا من الزهور على النصب التذكاري لشهداء الشرطة، قبل أن يتم عزف سلام الشهيد.